Plantun de Prouvènço

Pèr coumpara dos planto d'encò nostre

Dactylorhiza fuchsii & Abies cephalonica

Dactylorhiza fuchsii

Orchidaceae

Noms en français : Orchis de Fuchs, Dactylorhize de Fuchs.

Descripcioun :
Aquesto maneto, coumuno en mountagno, trachis dins li bos clar. L'esperoun fai mai de 3 mm de long, e la labreto èi marcado de rego e picoutado. E peréu aquesto caup tres partido, la dóu mitan èi mai longo. La cambo de l'enflourejado èi pleno alor que li fueio soun tacado de negre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Dactylorhiza
Famiho : Orchidaceae

Ordre : Aspargales

Coulour de la flour : Roso
Petalo : irreguliero
Ø (o loungour) flour : 6 à 14 mm
Flourido : Printèms - Estiéu

Sòu : Ca (Si)
Autour basso e auto : 0 à 2300 m
Aparado : Noun
Jun à avoust

Liò : Faio - Blachiero - Prado - Palun
Estànci : Subremediterran à Aupen
Couroulougi : Éurasiatico
Ref. sc. : Dactylorhiza fuchsii (Druce) Soó, 1962 (= Dactylorhiza maculata subsp. fuchsii (Druce) Hyl., 1966 )

Sapin(-de-Cefalounìo)

Abies cephalonica

Pinaceae

Àutri noum : Sapin(-de-Grèço), Sap, Sapino, Abet, Sapi.

Noms en français : Sapin de Céphalonie, Sapin de Grèce.

Descripcioun :
Lou sapin-de-Cefalounìo trachis naturalamen en Grèço (Cefalounìo). Au nostre es esta planta pèr lou rebouscage. Sèmblo proun à nosto sapino, Abies alba, pamens li fueio soun mai longo (25 mm) e un pau torso sus la fin. Tambèn lou bout de la fueio èi pounchu (fotò). Li bourroun soun resinous. Es un aubre que devèn mens grand (30 m). Coumpara emé lou sapin dóu nostre que ié sèmblo proun.

Usanço :
Dèu agué li mémis usanço que la sapino.